आफ्नो दोस्रो खेलमा नेपालले हङकङलाई ४ विकेटले हरायो

२६ मंसिर ।  १६ वर्षमुनिको इस्टर्न रिजनल प्रतियोगितामा नेपालले हङकङलाई हराएको छ । टेर्ड थाई मैदानमा सम्पन्न खेलमा टस जितेर ब्याटिङ गरेको हङकङले ३५ ओभर ब्याटिङ गर्दै ९ विकेट गुमाई ८२ रन बनाएको थियो। नेपालले निर्धारित लक्ष्य २४.१ ओभरमा ६ विकेट गुमाउँदै पुरा गर्यो। नेपालका लागि तीर्थराज दासले सर्वाधिक २७ रन बनाए। त्यस्तै राजन मगरले १७ तथा विशाल विक्रम केसी र शुशील भण्डारीले ११र११ रन बनाए। कुशल मल्ल र नारायण जोशीले २र२ रनको योगदान गरे।

हङकङलाई ८२ रनमा रोक्न नेपाली बलर प्रतिस जिसीले सर्वाधिक ३ विकेट हात पारे। यस्तै अजय कुमार लुनियाले २ विकेट लिने क्रममा कूल ७ ओभर बलिङ गर्दै ५ मेडन ओभर सहित मात्र २ रन खर्चेका थिए। नारायण जोशी र निखिल कुमार सिंहले पनि १र१ विकेट हात पारे। नेपालले आफ्नो पहिलो खेलमा सोमबार थाइल्याण्डलाई १३३ रनले पराजित गरेको थियो। यस्तै हङकङले आफ्नो पहिलो खेलमा म्यानमारलाई पराजित गरेको थियो।