लिभरपुलका मिडफिल्डर फिलिप कोटिन्हो अब बार्सिलोना बाट खेल्दै

पुस,२३ – लिभरपुलका मिडफिल्डर फिलिप कोटिन्हो अब बार्सिलोनाका खेलाडी भएका छन् । बार्सिलोनाले अहिलेसम्मकै धेरै रकममा कोटिन्होलाई अनुबन्ध गर्ने भएको हो ।
बार्सिलोनाले १४ करोड २० लाख पाउण्डमा कोटिन्हो लाई क्लबमा अनुबन्ध गरेको हो । उनले साढे ५ बर्षका लागि हस्ताक्षर गर्ने तय भएको छ ।
ब्राजिलका २५ बर्षिय कोउटिन्हो सन २०१३ को जनवरीमा ८५ लाख पाउण्डमा लिभरपुलमा अनुबन्ध भएका थिए ।
बार्सिलोनाबाट खेलिरहेका नेइमार फ्रान्स क्लब पेरिस सेन्ट जर्मन (पिएसजी) मा अनुबन्धित भएका थिए । नेइमारको स्थानमा आउन लागेका कोउटिन्होलाई बार्सिलोनाले यो रकममा अनुबन्ध गर्न लागेको हो ।