खेलमा पराजित भएपछि कमल थापाले भने, ‘दोस्रो हुन पाउँदा खुसी छु’

राष्ट्रिय प्रजातन्त्र पार्टीका अध्यक्ष एवं टेनिस खेलाडी कमल थापा राष्ट्रिय टेनिस प्रतियोगिताको भेट्रान्स फाईनलमा पुर्व नेपाल च्याम्पियन कृष्ण घलेसंग पराजित भएका छन् ।

बुटवलमा भएको खुल्ला राष्ट्रिय टेनिस प्रतियोगिताको भेट्रान्स फाईनलमा पुर्व नेपाल च्याम्पियन कृष्ण घलेसंग थापा १/६,६/१ र ८/१०को तीन सेटमा पराजित भएका हुन् ।

‘लामो समयको अन्तराल पछि प्रतिस्पर्धात्मक खेलमा भागलिई दोस्रो हुन पाउँदा खुसी लागेको छ । कृष्णलाई बधाई र आयोजक बुटवल टेनिस क्लबलाई प्रशंसा सहित धन्यवाद’ थापाले सामाजिक सञ्जाल ट्वीटरमा लेखेका छन् ।

पूर्ववर्ती शेरबहादुर देउवा सरकारका उपप्रधानमन्त्री थापा मंसिर २१ गते सम्पन्न प्रतिनिधि सभा चुनावमा मकवानपुरबाट पराजित भएका थिए ।