English
MTV NEPAL MTVNEPAL
नेपाल र संयुक्त अरब ईमिरेट्स युएई आइसीसी विश्व क्रिकेट लिग डिभिजन–२ क्रिकेटमा आज आमनेसामने हुदैँछ ।
प्रतियोगिता दिउँसो सवा १ बजे नामिबियाको विन्डहकमा सुरु हुनेछ ।
सुरुवाती दुई खेलमध्ये एकमा जित र एकमा हार ब्यहोरेको नेपाल आज दोस्रो जितको खोजीमा छ ।
प्रतियोगिताको सुरुवाती खेलमा आयोजक नामिबियालाई हराएको नेपाल दोस्रो खेलमा भने ओमनसँग ६ विकेटले पराजित भएको थियो ।
उता युएईले भने पहिलो खेलमा केन्यालाई २ सय १८ रनले हराउँदा दोस्रो खेलमा क्यानाडासँग २३ रनले हारेको थियो ।
दुई खेलबाट समान २÷२ अंक जोडेको युएई र नेपाल रन रेटको आधारमा क्रमशः दोस्रो तथा तेस्रो स्थानमा छन् ।
आजको खेल जित्ने टोली शिर्ष दुई भित्रै रहने संभावना बलियो हुनेछ ।
