लहानको सहिद चोकमा बम विस्फोट, एक गम्भिर

२८ मंसिर ।  सिरहाको लहान नगरपालिका १ स्थित सहिद चोकमा आज दिउँसो बम विस्फोट भएको छ । विस्फोटमा परि एक जना गम्भिर घाईते भएका छन् । करिब पौने १ बजेतिर सहिद चौक स्थित रहेको एक साईकल स्टोर अगाडि एक अपरिचित व्यक्तिले थोत्रो साईकल छाडेर गएको केही छिनमा ठूलो विस्फोट भएको हो । साईकलको सिट मुनी राखिएको बम विस्फोट हुंदा एक मोटरसाईकल चालक घाईते भएका छन् । साईकल बम विस्फोट हुंदा नजिकै रहेको स. २ प. ७४८० नम्बरको मोटरसाईकलमा सवार सप्तरीका बनरझुला निवासी प्रमेश्वर चौधरी गम्भिर घाईते भएको प्रहरीले जनाएको छ ।