A magnificent view of Kathmandu as captured from Swayambhu on Monday, May 9, 2016. Photo: RSS

न्यूनतम तापक्रम घटे पनि तुलनात्मक रुपमा चिसो कम हुँदै

in समाजिक January 28, 2018 Comments Off on न्यूनतम तापक्रम घटे पनि तुलनात्मक रुपमा चिसो कम हुँदै 1,481 Views

केहि दिनयता स्थिर रहेको काठमाडौं उपत्यकाको आज न्यूनतम तापक्रम घटेर २.३ डिग्री सेल्सियस पुगेको छ । तर न्यूनतम तापक्रम घटे पनि तुलनात्मक रुपमा चिसो कम हुँदै जाने मौसम पूर्वानुमान महाशाखाले जनाएको छ ।

आइतबार पश्चिम तराई भेगमा बाक्लो हुस्सु लागेको छ । अपराह्नपछि त्यो हट्नेछ । पाँच दिनयता निकै चिसो बढे पनि आइतबारदेखि भने केही न्यानो महसुस गरिएको छ ।

यसअघि गत पुस २३ गते यस वर्षकै बढी चिसो न्यूनतम तापक्रम ० डिग्रीमा झरेको थियो । यही माघ १० गते सुदूरपश्चिमबाट पश्चिमी न्यून चापीय प्रणाली नेपाल प्रवेश गरेका कारण देशका अधिकांश भूभागमा हल्का वर्षा तथा उच्च पहाडी र हिमाली भेगमा हल्कादेखि मध्यमखालको हिमपात भएको थियो ।

बदलीसँगै वर्षात्का कारण काठमाडौंको न्यूनतम तापक्रम बढेर ६ डिग्रीभन्दा माथि पुगेको थियो । त्यसयता शनिबारसम्म न्यूनतम तापक्रम बढे पनि काठमाडौँसहित देशभर चिसो बढेको थियो ।