चौथो एकदिवसीय क्रिकेटमा न्युजिल्याण्ड ५ विकेटले विजयी

माघ २ – पाकिस्तानसँगको चौथो एकदिवसीय क्रिकेटमा पाकिस्तानविरुद्ध न्युजिल्याण्डले ५ विकेटको जित दर्ता गरेको छ । २ सय ६३ रनको लक्ष्य न्युजिल्याण्डले ४५ ओभर ५ बलमा ५ विकेट गुमाएर पूरा गर्यो ।
न्युजिल्याण्डको हमिल्टनमा भएको प्रतियोगितामा न्युजिल्याण्डलाई जिताउन कोलिन डी ग्राण्डहोमले ७४, कोलिन मुनरोले ५६ र हेनरी निकोल्सले ५२ रन बनाए ।
पहिले व्याटिङ गरेको पाकिस्तानले मोहम्मद हाफिजको ८१ रनको मद्धतमा २ सय ६२ रन बनाएको थियो । पाँच खेलको एकदिवसीय श्रृङ्खलामा पाकिस्तानले एउटा खेल पनि जित्न सकेको छैन ।