सन् २०५० मा सूर्य ‘असाधारण रुपले सेलाउने’

उनीहरुका अनुसार अब आउने यो चिसो अवधिको प्रभाव सत्रौँ शताब्दीमा युरोपमा भएजस्तै हुनेछ। त्यसबेला टेम्स नदी जमेको थियो। यसलाई ‘माउन्डर मिनिमम’ भनेर चिनिन्छ। सानो हिमयुग भनेर चिनिने यस्तो अवधिमा सूर्यको चुम्बकत्व घट्छ, ‘सनस्पट’ भनिने सूर्यको सतहमा देखिन काला धब्बहरुको संख्या घट्छ अनि कम अल्ट्राभायोलेट विकिरण ग्रहहरुसम्म आइपुग्छ। यसको अर्थ सो अवधिमा सूर्यको सतह बढी स्पष्ट र मधुरो देखिन्छ। तापक्रम कम भए पनि यसले जलवायु परिवर्तनलाई नरोक्ने वैज्ञानिकहरुले चेताएका छन्, यद्यपि यो प्रक्रियालाई यसले धीमा बनाउनेछ। वैज्ञानिकहरुको अनुमानअनुसार सन् २०२० देखि २०७० सम्ममा पृथ्वीको तापक्रममा मात्र ०.२५ प्रतिशतले कमी आउनेछ। यो अध्ययन एस्ट्रोफिजिकल जर्नल लेटर्समा प्रकाशित छ। एजेन्सी