महिला फुटबल टोली मंगलबार बंगलादेश जाँदै,,पहिलो खेल असार २८ गते हुने

बंगलादेशविरुद्ध हुने दुई मैत्रीपूर्ण खेललाई साफ च्याम्पियनसिपको फाइनलमा भोगेको हारको बदला लिने मौकाका रुपमा लिएको नेपाली महिला राष्ट्रिय फुटबल टोलीका प्रशिक्षक अनन्तराज थापाले बताएका छन् । एपिएफका ११ खेलाडी प्रशिक्षणमा फर्केपछि ३ दिनको प्रशिक्षण गराएका थापाले बंगलादेशको महिला टोली बलियो रुपमा प्रस्तुत भएपछि दक्षिण एसियाको महिला फुटबलमा त्रिकोणात्मक प्रतिस्पर्धा देखिएको बताएका छन् । गत वर्ष फाइनलमा दशरथ रंगशालामा नेपाललाई ३–१ ले हराउँदै बंगलादेश पहिलो पटक महिला साफ च्याम्पियनसिपको विजेता बनेको थियो । नेपालले भने हारेको थियो । बंगलादेशलाई हराउन सक्ने आधार प्रस्तुत गर्ने क्रममा थापाले आफुले पहिला देखि नै भन्दै आएको र अहिलेको महिला टोली भनेको गोल्डेन पुस्ता रहेको बताए । त्यसमाथि अहिले सावित्रा भण्डारी सम्बा चोटमुक्त भएर फर्केपछि लयमा रहेकाले पनि सबै हिसाबले नेपालले बंगलादेशलाई पराजित गर्न सक्षम रहेको उनले बताए । नेपाली टोली मंगलबार बंगलादेशतर्फ प्रस्थान गर्नेछ । नेपाल बंगलादेशबीचको पहिलो खेल असार २८ गते र दोस्रो खेल असारा ३१ गते हुनेछ