काठमाण्डौ महानगरपालिकामा शुक्रबार पनि सार्वजनिक बिदा

काठमाण्डौ महानगरपालिकाले शुक्रबार सार्वजनिक बिदाको घोषणा गरेको छ ।

महानगरपालिकाका प्रमुख प्रशासकीय अधिकृत वसन्त अधिकारीले सार्वनिक गर्नुभएको सुचनामा शुक्रबार सापारू र रोपाइँ जात्रा मनाउन सार्वजनिक बिदा दिइएको उल्लेख गरिएको छ ।

नेपाल पञ्चाङ्ग निर्णायक विकास समितिले जनै पूर्णिमा र गाईजात्रा आज एकै दिन परेको बताए पनि केही पालिका र सांस्कृतिक संस्थाले जनैपूर्णिमा र गाईजात्रा फरक–फरक दिन मनाउने निर्णय गरेका छन् ।

जनैपूर्णिमा र गाईजात्राका अवसरमा आज पनि काठमाण्डौ उपत्यकामा सार्वजनिक बिदा दिइएको छ ।।