सीरियामा अझै रोकिएन युद्ध, आक्रमणमा रासायनिक हतियारको प्रयोग

संयुक्त राष्ट्र संघ सुरक्षा परिषदमा युद्धविरामको प्रस्ताव पारित भएपछि पनि सिरियाली सरकारले हमला जारी राखेको छ ।
सिरियाली सरकारले विद्रोही नियन्त्रित क्षेत्रमा हवाई आक्रमण जारी राखेको हो ।

सिरियामा पछिल्लो हमलामा क्लोरिन जस्तै रासायनिक हतियारको समेत प्रयोग गरेको बताइएको छ । राजधानी दमास्कस नजिक पूर्वी गुटामा विद्रोही नियन्त्रित क्षेत्रमा सिरियाले बमबारी गरेको हो ।

आक्रमणमा सयौं सर्वसाधारणको मृत्यु भइसकेको छ । सिरियामा करिब ७ वर्षदेखिको संघर्षका क्रममा पूर्ण युद्धविराम भएको छैन ।

सिरियाली सरकारको सहयोगी रुसले पूर्वी गुटामा जैश अल इस्लामले युद्धविरामको उल्लंघन गरेको आरोप लगाएको छ ।