सम्पदा बचाउ अभियानमा बालेन ,अब हनुमानढोका परिसरभित्र सवारीसाधन चलाउन नपाईने

काठमाडौँ महानगरपालिकाले हनुमानढोका परिसरभित्र सवारीसाधन निषेध गरेको छ। सम्पदाको मौलिकता जोगाउन महानगरपालिकाले उक्त निर्णय गरेको हो ।
यहाँको चिनारी नै प्राचीन सम्पदा भएकाले तिनको मौलिकता जोगाउन आवश्यक भएको महानगर प्रमुख बालेन्द्र शाहले बताए ।
सामाजिक सञ्जालमार्फत उनले भविष्यमा वसन्तपुर क्षेत्रमा दैनिक हजारौँ पर्यटक आउने गरेका उल्लेख गर्दै लाखौँ पर्यटक आउनसक्ने सम्भावना रहेको उल्लेख गरेका छन् ।
मौलिकता, सौन्दर्य र परिसरको वातावरण शान्त, स्वच्छ र सुरम्य हुन अत्यावश्यक रहेको उल्लेख गर्दै हनुमानढोका परिसरभित्र सवारीसाधन निषेध गरिएको उनले बताएका छन् ।