लोक तथा दोहोरी गीत प्रतिष्ठान जापानको अधिवेशनमा रमेश बिजी सहभागी

राष्ट्रिय लोक तथा दोहोरी गीत प्रतिष्ठान नेपालका वरिष्ठ उपाध्यक्ष रमेश बिजी जापान उड्ने भएका छन् ।

प्रतिष्ठानको बिदेश विभाग प्रमुख समेत रहेका बिजी प्रतिष्ठानको जापान शाखाको यो साता हुने पहिलो अधिवेशनमा केन्द्रीय प्रतिनिधिको रुपमा जापान जान लागेका हुन् ।

गत सेप्टेम्बरमा गठन भएको प्रतिष्ठानको जापान शाखाको यही जनवरी २८ तारिख आइतबार टोकियोमा पहिलो अधिवेशन हुँदैछ ।

त्यस्तै राष्ट्रिय लोक तथा दोहोरी गीत प्रतिष्ठान जापान शाखाले जापान रहेर लोक गीतसंगीतमा सक्रिय कलाकर्मी, संगीतप्रेमीहरुलाई संस्थाको सदस्यता लिन आवहान गरेको छ ।