खुसीको खबर : अब विद्यार्थीले उमेर, नाम र जात सच्याउन पाउने

आफ्ना महत्पुर्ण कागजातहरुमा हुने गरेका त्रुटीका कारण विद्यार्थीले धेरै नै झण्झट व्यर्होनु परेकोे थियो । केहि कागजातमा सच्चाउनै नकिल्ने त मिल्ने कागजात सच्चाउन पनि धेरै सास्ति थियो तर अब त्यो सास्तीबाट भने छुटकार मिल्ने भएको छ ।

जन्मदर्ता, शैक्षिक प्रमाणपत्र तथा नागरिकतामा उमेर, नाम, थरलगायत विवरण फरक परेर समस्यामा परेका विद्यार्थीका लागि अब सहज हुने भएको छ । सरकारले यससम्बन्धी नियमावली संशोधन गरी फरक विवरण सच्याउन पाउने व्यवस्था गरेको छ ।

बुधबार बसेको मन्त्रिपरिषद् बैठकले उमेर, नाम र जात सच्याउने (तेस्रो संशोधन) नियम, २०८० संशोधन गरेको छ । संशोधनअनुसार अब यसअघिका जुनसुकै समयका प्रमाणपत्र पनि सच्याउन सकिनेछ ।

यसअघि प्रमाणपत्र पाएका मितिले ६ महिनाभित्र सच्याउनका लागि दरखास्त दिनुपर्ने प्रावधान थियो । यसलाई पाँच वर्ष बनाइएको छ । तर, पाँच वर्ष नाघेकाको हकमा पनि यो नियम लागू भएको एक वर्षभित्र दरखास्त दिए सच्याउन सकिने प्रावधान राखिएको छ ।।