अब विदेशमा बस्ने नेपालीले पनि भोट हाल्न पाउने ,,तर नागरिकता त्याग नगरेकाले मात्रै

विदेशमा बस्ने नेपालीले पनि अब भोट हाल्न पाउने निर्वाचन आयोगले जानकारी दिएको छ । नेपालमा लामो समयदेखि बहसमा रहे पनि कार्यान्वयनमा आउन नसकेको विदेशमा रहेका नेपाली नागरिकलाई मताधिकार दिने व्यवस्था अभ्यासमा ल्याउन पहल शुरू गरिएको निर्वाचन आयोगले जनाएको छ ।

प्रमुख निर्वाचन आयुक्त दिनेशकुमार थपलियाले यसका लागि कानुन संशोधनको प्रक्रिया शुरु भईसकेको हामीलाई टेलिफोन मार्फत जानकारी दिनुभयो ।

उहाँले विदेशमा रहेका नेपाली नागरिकहरूको मतदाता नामावली सङ्कलनका लागि कार्यविधि बनाएर सरकारलाई बुझाइसकिएको जानकारी दिनुभयो ।

विदेशको डीभी, पीआर नलिएका र नेपाली नागरिकता त्याग नगरेका नेपालीहरूले मात्रै विदेशबाट मतदाता नामावलीमा नाम समावेश गर्न पाउँने निर्वाचन आयोगले जनाएको छ ।