विप्लवका कार्यकर्ताले रूख ढालेर बाटो अवरद्द गरे

२२ मंसिर । निर्वाचन विरोधि गतिविधिमा संलग्न रहदै आएका नेकपा माओवादीका नेता नेत्र विक्रम चन्द विप्लवका कार्यकर्ताले भोजपुरको विभिन्न ठाउँमा रूख ढालेर बाटो अबरुद्ध गरेका छन् । विप्लप नेतृत्वको कर्याकर्ताले भोजपुरको पौवादुंमा गाउँपालिको च्यांग्रे, साल्पा, सिलिछो गाउँपालिकाको कुलुङ, षडानन्द नगरपालिकाको भिरथाप्ला नजिकैको जंगलमा रूख ढालेर अवरुद्ध गरेको जिल्ला प्रहरी कार्यालय भोजपुरका डिएसपी दिपेन्द्र पञ्जियारले बताए । स्थानिय जनतालाई दुख र डरत्रास उत्पन्न गर्न त्यस्ता क्रियाकलाप गरेको जनाइएको छ ।