सप्तकोशीमा पानीको बहाव उच्च,, ५६ मध्ये १९ ढोका खोलिए

सुनसरीमा धेरै भारी वर्षा मापन भएको छ । बाढी पूर्वानुमान् महाशाखाका अनुसार गत चौबिस घन्टामा सुनसरीको चतरा स्टेशनमा धेरै भारी वर्षा मापन भएको हो ।

पछिल्लो २४ घन्टामा त्यहाँ १५४ मिलिमिटर वर्षा भएको छ । त्यहाँ पछिल्लो एक घन्टामा ७.४ मिलिमिटर वर्षा भएको छ । वर्षाका कारण सप्तकोशीमा पानीको बहाब केही बढेपनि सतर्कता तहमुनी नै छ ।

सुनसरीका प्रमुख जिल्ला अधिकारी हुमकला पाण्डेले आज मध्याह्न १२ बजे सप्तकोशीको बहाव १ लाख ४८ हजार ४९८ क्यूसेक पुगेको जानकारी दिनुभयो । उहाँका अनुसार अहिले कोशी ब्यारेजका ५६ मध्ये १९ ढोका खोलिएका छन् ।।