संसद् भवनका लागि महानगरले जग्गा उपलब्ध गराउने

प्रदेश नम्बर १ को संसद् भवन निर्माणका लागि विराटनगर महानगरपालिकाले जग्गा उपलब्ध गराउने भएको छ ।

महानगर परिषद्को बोर्ड बैठकले विराटनगर–८ स्थित हाट खोला मैदानमा संसद् भवन निर्माण गर्न डेढ विगाहा जग्गा उपलब्ध गराउने निर्णय गरेको हो ।
हाल प्रदेश नम्बर १ को संसद् बैठक जिल्ला समन्वय समितिको हलमा बस्दै आएको छ ।

विराटनगर महानगरपालिका मेयर भीम पराजुलीले तत्काल संसद भवनका लागि संसद् सचिवालयलाई हाट खोलाको जग्गा उपलव्ध गराउने निर्णय भएको जानकारी दिए ।

हाट खोलाको सार्वजनिक जग्गा सार्वजनिक कार्यक्रम र पार्किङका लागि प्रयोग हुँदै आएको थियो ।