प्रदिप पौडेल ५ मतले पराजित, फर्जि मत भेटिएकाले पुनः मतदान गर्न माग

२४ मंसिर । तनहूँ क्षेत्र २ प्रदेश सभा (क) बाट उम्मेदवार बनेका प्रदिप पौडेल ५ मतले पछि पराजित भएपछि पुनः मतदानको माग गरेका छन् । उनले पाँच मतले पछि परेको अवस्थामा ४२ मत फर्जी भेटिएको भन्दै पुनः मतदानको माग गरेका हुन् ।

प्रदेश सभामा वाम गठबन्धनकी उम्मेदवार आशा कोइरालाले ५ मतले पराजित गरेको चर्चा सार्वजनिक भएपछि उम्मेदवार पौडेलले त्यो आफूहरुलाई स्वीकार्य नहुने भन्दै पुनः मतदानको माग गरेका हुन्। पछिल्लो मतपेटिकामा २ हजार ३२८ मत भनिएको थियो। पछि गणना गर्दा २ हजार ३७० मत भेटिएको छ । उम्मेदवार पौडेलले निर्वाचन कार्यालयमा पुनः मतदानको माग गर्दै लिखित निवेदन दिएका छन्।