काठमाण्डौँको लगनटोलमा आगलागी, एकजनाको मृत्यु भएको आशंका

काठमाडौं महानगरपालिका वडा नं. २१ लगनटोलस्थित एक घरमा भीषण आगलागी भएको छ । अमृतलाल रञ्जीतको घरमा शनिबार बिहान करिव ४ बजे आगो लागेको हो ।  आगलागीमा परेर प्रविणलाल श्रेष्ठ घाइते भएका प्रहरी जनाएको छ । उनको वीर अस्पतालमा उपचार भएको छ । श्रेष्ठ आफ्ना बुबालाई बचाउँने क्रममा घाइते भएका हुन् । घाइते श्रेष्ठले आफ्ना बुबालाई आगो लागेको ठाँउबाट बाहिर निकाल्न नसकेको बताएको प्रहरीले जनाएको छ ।  घरभित्र जान नसिएकाले विस्तृत विवरण आउन बाँकी रहेको प्रहरीले जनाएको छ ।

काठमाडौं, ललितपुर र भक्तपुरका दमकल तथा नेपाली सेना, सशस्त्र प्रहरी, नेपाल प्रहरी र स्थानीयको सहयोगमा आज बिहान मात्र आगो नियन्त्रणमा लिइएको छ ।  आगलागीबाट रञ्जीतको घरका दुई वटा सिलिन्डर विस्फोट भएपछि नजिकैको अष्टनारायण महर्जन र सरोज शाक्यको घरमा समेत क्षति पुगेको छ ।  घटनाबारे प्रहरीले अनुसन्धान भइरहेको जनाएको छ ।