काठमाडौंको तारकेश्वरमा पहिरो,, घर पुरिदा दुई जनाको मृत्यु

काठमाडौंको तारकेश्वर नगरपालिकाको चो गाउँमा पहिरो गएको छ । पहिराले घर पुर्दा बाबु–छोरीको मृत्यु भएको छ । गएराति करिब आठ बजेतिर गएको पहिरोले घर पुर्दा गणेश तामाङ र उनकी छोरीको मृत्यु भएको हो ।
तारकेश्वर नगरपालिकाका मेयर कृष्णहरि महर्जनले बुवाको घटनास्थलमै र छोरीको अस्पतालमा उपचारको क्रममा मृत्यु भएको जानकारी दिए । गणेशकी श्रीमती घाइते भएकी छन् । उनको खुट्टामा चोट लागेकाले त्रिवि शिक्षण अस्पतालमा उपचार जारी छ । छोरा भने सकुशल रहेको मेयर महर्जनले जानकारी दिए ।।