आफु पन्छिन मेडिकल काउन्सिललाई दोष लगाउदै सिआईबी

साउन २६ गने सिआईबीले प्रमाण पत्र किर्ते प्रकरणमा नेपाली कांग्रेसका सांसद डा. सुनिल शर्मासहित अन्य डाक्टरहरुलाई पक्राउ गरेको थियो तर पक्राउ परेको भोली पलटै सांसद शर्मा छुटे । आईतबार मात्रै सिआईबीको अर्को गल्ति बाहिरियो । यो प्रकरणमा पहिल्यैदेखि अनुसन्धान थालिरहेको भनेर पक्राउ कारण प्रष्ट्याएको सिआईबीले सक्कली डाक्टरलाईलाई पक्राउ गरेको पाइयो ।

नक्कली शैक्षिक प्रमाणपत्रधारी चिकित्सकविरुद्ध अभियान सञ्चालन गरेको केन्द्रीय अनुसन्धान ब्युरो (सीआईबी) ले सक्कली चिकित्सकलाई नै पक्राउ गरेपछि चिकित्सा क्षेत्रमै एक प्रकारको भय सिर्जना भएको छ । विस्तृत अनुसन्धान र अध्ययन बिना नै पक्राउ गर्ने प्रवृत्ति देखिएको भन्दै चिकित्सकहरु त्रासमा रहेकै समयमा सीआईबीले भने मेडिकल काउन्सिलको पत्रकै कारण पक्राउ गरिएको र असली चिकित्सक रहेको पत्र आएपछि रिहा गरिएको प्रस्ट पारेको छ ।

सिआईबीको यो कमजोरीले नेपालको कानुनमाथि नै ठाडो प्रहार गरेको छ । नागरिकको मौलिक हकमाथि नै छुरा प्रहार गरेको छ । बिना अनुसन्धान,बिना प्रमाण जनतालाई दुख दिन खोजिएको यसले प्रष्ट्याएको छ । यस्तै गल्ति भईरहे नेपालको प्रहरी प्रशासनप्रतिको आम सर्वधारणको विश्वास नै हराउने देखिन्छ । “प्रहरी मेरो साथी” श्लोगनमाथि नै सिआईबीको यो कदमले व्यङ्ग्य गरेको छ ।।