मतदानपछि चिसो छल्न डोल्पालीहरु हिँडे जाजरकोट तर्फ

१७ मंसिर । जाजरकोट भोट हाल्नको लागि आफ्नो गृहजिल्ला बसेका डोल्पालीहरु अहिले चीसो बढेसँगै चीसो छल्नको लागि जाजरकोटका विभिन्न गाउँमा बसाई सर्न थालेका छन् । माथिल्लो डोल्पामा हिमपात शुरु भएर बस्न नसकिने अवस्था भएकाले सहरतारा, गुम्वातारा, तेन्जे, माजफाल, सेलगायतका दर्जन गाउँबाट जाजरकोटका खगेनकोट, तल्लु, मैदे, रिम्ना, राडीलगायतका ठाउँमा आएर बसेको सेका पामे लामाले बताए । मंसिरदेखि फागुनसम्म जाजरकोटका गाउँमा बस्दा डोल्पाबाट ल्याएका जिम्बु तथा अन्य औषधिजन्य सामग्री बिक्री गर्ने र डोल्पा फर्कदा आवश्यक खाद्यान्न लिएर उहाँले जानकारी दिए ।