English
MTV NEPAL MTVNEPAL
राष्ट्रियसभा सदस्यमा सरकारले तीन जनाको नाम सिफारिस गरेको छ । अब राष्ट्रपतिले नियुक्त गरेपछि उनीहरुले राष्ट्रियसभा सदस्यमा औपचारिकता पाउनेछन् ।
बिहान बसेको मन्त्रिपरिषद बैठकले युवराज खतिवडा, रामनारायण बिडारी र विमला पौडेल राईलाई राष्ट्रिय सभा सदस्यमा सिफारिस गरेको हो ।
खतिवडा राष्ट्र बैंकका पूर्व गभर्नर एवं राष्ट्रिय योजना आयोगका दुईपटकसम्म उपाध्यक्ष हुन भने बिडारी प्रचण्ड निकट कानुन ब्यवसायी दोस्रो संविधानसभामा माओवादी केन्द्रबाट समानुपातिक सभासद् हुन् । त्यस्तै राई राष्ट्रिय योजना आयोगको पूर्वसदस्य तथा एमाले समर्थक वुद्धिजिवी संगठनमा रहेकी थिईन् ।
शेरबहादुर देउवा नेतृत्वको सरकारले गरेको सिफारिस रद्ध गरेर केपी शर्मा ओली नेतृत्वको वर्तमान सरकाले नयाँ नाम सिफारिस गरेको हो ।
देउवा सरकारले कांग्रेस कार्यकर्ता कृष्णप्रसाद पौडेल, गोपाल बस्नेत र चाँदनी जोशीलाई राष्ट्रियसभा सदस्यमा सिफारिस गरेको थियो । तर, राष्ट्रपति कार्यालयले सो सिफारिसलाई औपचारीकता दिएको थिएन् ।
५९ सदस्यीय राष्ट्रियसभामा ५६ जना हरेक प्रदेशबाट चुनिने र ३ जना सरकारको सिफारिसमा राष्ट्रपतिले मनोनित गर्ने संवैधानिक व्यवस्था छ ।
