प्रतिनिधिसभाको सभामुखको चुनाव फागुन २६ गते

प्रतिनिधिसभाको मंगलबार बसेको बैठकले प्रतिनिधिसभाको सभामुखको चुनाव फागुन २६ गते गर्ने निर्णय गरेको छ । २६ गते दिउँसो १ बजे बस्ने बैठकले नयाँ सभामुख चयन गर्नेछ ।

यस्तै बैठकले संसद बैठक सञ्चालको लागि चाहिने प्रतिनिधिसभा नियमावली बनाउन १३ सदस्यीय मस्यौदा समिति पनि गठन गरेको छ । समितिमा कृष्णभक्त पोख्रेल, जूलीकुमारी महतो, दिलेन्द्रप्रसाद बडु, देव गुरुङ, प्रेम सुवाल, बृजेशकुमार गुप्ता, मिन विश्वकर्मा, मिनेन्द्र रिजाल, रविन्द्र अधिकारी, रेखा शर्मा, लक्ष्मणलाल कर्ण, विन्दा पाण्डे र विमलप्रसाद श्रीवास्तव रहेका छन् ।

समितिले १ महिनाभित्र नियमावलीको मस्यौदा बनाउने जिम्मा पाएको छ । प्रतिनिधिसभाको अर्को बैठक २६ गते १ बजेसम्मका लागि स्थगित भएको छ ।