त्रिभुवन अन्तराष्ट्रिय विमानस्थलमा यूएस बंगलाको विमान दुर्घटना

त्रिभुवन अन्तराष्ट्रिय विमानस्थलमा यूएस बंगलाको विमान दुर्घटना भएको छ । विमान अवतरणका क्रममा दुर्घटना भएको हो ।

प्रत्यक्षदर्शीहरुका अनुसार विमान अनियन्त्रित भएर आएको थियो । अहिले विमानमा आगो लागेको छ । अहिले उद्दार कार्य जारी छ ।

विमान दुर्घटनापछि उडान तथा अवतरण रोकिएको छ । विमानमा रहेका सात जनाको उद्दार गरिएको छ ।

बंगलादेशबाट आएको विमान अवतरणका क्रममा दुर्घटनामा परेको हो ।
तर, विमानमा लागेको आगो अझै नियन्त्रणमा आउन सकेको छैन ।