एसीसी प्रिमियर कपको फाइनलमा पुग्ने नेपालको सपना अधुरै,,सेमिफाईनलमा यूएई ६ विकेटले विजयी

यूएई एसीसी मेन्स प्रिमियर कप २०२४ को फाइनलमा प्रवेश गरेको छ । सेमिफाईनलका लागि आज यूयई र साविक विजेता नेपालबिच ओमानको मस्कटमा रहेको अल अमरेत क्रिकेट मैदान १ मा प्रतिस्पर्धा भएको थियो । टस हारेर पहिला ब्याटिङको निम्तो पाएको नेपालले यूयईलाई १ सय २० रनको सामान्य लक्ष्य दिएको थियो । उक्त लक्ष्य ४ विकेटको क्षतिमा १८ औं ओभरमा पुरा गर्दै यूएई फाईनलमा प्रवेश गरेको हो ।

यूएई विरुद्ध नेपालको आजको प्रस्तुति कमजोर देखियो । नेपालका लागि सन्दीप जोराले बाहेकका अन्य खेलाडिको प्रर्दशन सोचेअनुरुपको देखिएन । यूयईको सहज जितमा सन्दिपले ४ चौका र २ छक्कासहित सर्वाधिक ५० रनको योगदान दिए ।

आजको खेलमा पराजित भएसंगै नेपालको एसिया कप खेल्ने सम्भावना सकिएको छ । अब नेपालले शनिबार एसीसी प्रिमियर कपको तेस्रो स्थानका लागि प्रतिस्पर्धा गर्नेछ । आजै दोस्रो सेमिफाईनलको खेल हुँदै छ । यसमा पराजित हुने टोलीसंग नेपालले तेस्रो स्थानका लागि भिड्ने छ । तेस्रो हुने टोली फाइनल खेल्ने टोलीसँगै एमर्जीङ कपका लागि भने छनोट हुनेछ । यता नेपालसंग विजयी हासिल गरेको यूएई भने आइतबार हुने फाइनलमा अहिले हुन लागेको खेलको विजयी टोलीसंग प्रतिस्पर्धा गर्नेछ । दोस्रो सेमिफाईनल खेल अन्तर्गत ओमान र हङकङबिचको खेल अहिले केहि बेरमा शुरु हुनेछ ।।